სავაჭრო პალატის საერთო კრებაზე 2020 წლის პალატის საქმიანობა შეაჯამეს და მომავალი წლის გეგმებზე იმსჯელეს.
შეხვედრას 100-მდე დელეგატი დაესწრო.
დელეგატებს პალატის პრეზიდენტმა, გიორგი პერტაიამ 2020 წლის საქმიანობის ანგარიში და 2021 წლის გეგმები გააცნო.პალატის პრეზიდენტმა დელეგატებს, საგადასახადო-საბაჟო და იურიდიული კომიტეტების თავმჯდომარეები წარუდგინა, რომლებმაც კომიტეტის საქმიანობებსა და ძირითად მიმართულებებზე, ასევე 2021 წლის გეგმებზე ისაუბრეს. მათ შორის დაგეგმილია სემინარები, როგორც საგადასახადო, ასევე შრომის კანონმდებლობაში განხორციელებული ცვლილებებისა და კანონშემოქმედებითი აქტივობების მიმართულებით.შეხვედრაზე აჭარისა და აფხაზეთის ავტონომიური რესპუბლიკების სავაჭრო პალატების წარმომადგენლები მონაწილეობდნენ.
